中華鱘遇害 也入福娃數

中華鱘遇害 也入福娃數
(明報) 06月 26日 星期四 05:10AM

【明報專訊】全國雪災、西藏 衝突、聖火遇阻、四川 地震、中華鱘慘死……2008年發生咁多亂事、慘事、怪事，迷信中國人（尤其係香港）當然會有好多聯想。最近網上就熱傳一篇文章，將咁多件事


同5隻福娃 ，以及奧運 開幕日期（08年8月8日）拉埋一齊講，Emily最近又見到一篇，真係歎為觀止，即使唔信，都好欣賞作者創意。

文章先係玩中國人最鍾意「8」字，發現無論係雪災（25/1）、西藏衝突（14/3）以及四川地震（12/5）日期數字加起上，全部都係8，而奧運（Olympics）又係由8個字母組成，「四川」兩個字又係8劃，四川地震係八級，又係農曆初「八」發生，而「512」又係等如「8×8×8」，地震距離奧運開幕剛剛又係88日，而地震發生時間（下午2時28分），亦即係當日下午第8880秒，地震震央係北緯31、東經103，所有數字加起又係8……

講完「8」字巧合事件，又扯到五隻福娃﹕風箏福娃「妮妮」代表山東濰坊，當地「奧運宣傳專列」就意外出軌；福娃「迎迎」代表藏羚羊，西藏又有衝突；福娃「歡歡」代表聖火，傳聖火又遇阻滯；福娃「晶晶」代表熊貓，四川就地震；福娃「貝貝」代表中華鱘，香港又有中華鱘被咬死……

Emily唔算迷信，但睇完篇文都不禁打個突。不過，如果所有唔好事都算係發生過，之後大家可以平平安安等奧運舉行，都不失為一件好事啦。